You are here

ᐃᖅᑲᓇᐃᔭᖅᑏᑦ

ᒪᓕᒐᕐᓂᐊᖅᑎ

ᓘᒃᑖᖅ ᕆᐊᓄᑦᔅ ᐃᓕᓐᓂᐊᖅᓯᒪᓂᖓᓄᑦ ᐃᓕᓴᕆᔭᐅᔾᔪᑎᓕᒃ ᐅᑯᓂᖓ B.A., B.Ed., LL.B., LL.M., Ph.D. ᐃᓕᓴᐃᔨᐅᓯᒪᔪᖅ ᐊᒻᒪᓗ ᓯᓚᑦᑐᓴᕐᕕᒡᔪᐊᓂ ᐃᓕᓴᐃᖃᑦᑕᖅᓯᒪᔪᖅ ᖁᕝᕙᓯᖕᓂᖅᓴᓂ ᓯᓚᑦᑐᓴᕐᕕᒡᔪᐊᖑᔪᓂ ᐃᐅᓪᐳᑕᒥ ᒪᓕᒐᕐᓂᐊᖅᑎᐅᓂᕐᒧᑦ ᐃᓕᓴᕐᕕᖕᒥ, ᐋᓐᓂᐊᖃᖅᑕᐃᓕᒪᑎᑦᓯᓂᕐᒧᑦ ᑭᓇᒃᑯᑐᐃᓐᓇᕐᓂᒃ ᐊᒻᒪ ᐊᓯᖏᓐᓄᑦ, ᕚᓐᑯᕙ ᕿᑭᖅᑕᖁᑎᖓᓐᓂ ᓯᓚᑦᑐᓴᕐᕕᒡᔪᐊᕐᒥ, Lakeland ᓯᓚᑦᑐᓴᕐᕕᐊᓂ ᐊᒻᒪᓗ ᓄᓇᕗᑦ ᓯᓚᑦᑐᓴᕐᕕᐊᓂ. ᖃᐅᔨᓴᐃᔨᒻᒪᕆᐅᓪᓗᓂ ᐊᒻᒪ ᐃᓕᓐᓂᐊᖅᓯᒪᓂᖓᓄᑦ ᐱᔾᔪᑎᒋᓪᓗᒍ ᑐᓐᓂᖅᑯᓯᐊᖅᓯᒪᔪᖅ ᐅᓄᖅᑐᓂᒃ ᐅᑯᓇᓐᖔᖅᑐᑦ ᐱᖃᓯᐅᓪᑎᓗᒋᑦ, ᓘᒃᑖᑦ ᑲᑐᔾᔨᖃᑎᑦᒌᖏᑦ ᐊᕙᑎᓕᕆᔨᒃᑯᑦ ᑲᓇᑕᒥ ᐱᖓᓱᓕᖅᑲᖓᔪᑦ ᐊᕙᑎᓕᕆᓂᕐᒧᑦ ᖃᐅᔨᓴᐃᔨᑦ ᐱᓕᕆᐊᖏᓐᓄᑦ ᐊᕙᑎᐅᑉ ᐊᑦᑕᕐᓇᕐᓂᖓ ᒥᐊᓂᕆᔭᐅᖁᓪᓗᒍ, ᐃᓅᓯᓕᕆᓂᕐᒧᑦ ᖃᐅᔨᓴᐃᓂᕐᒧᑦ ᐊᒻᒪ ᐃᓚᒋᔭᐅᓪᓗᓂ ᖃᐅᔨᓴᐃᔨᑦ ᑲᑎᒪᔨᖏᓐᓄᑦ ᑲᓇᑕᒥ, ᑖᒃᑯᐊ Wilfrid R. May ᐃᑦᑕᕐᓂᓴᓕᕆᓂᕐᒧᑦ ᑮᓇᐅᔭᖁᑎᖏᑦ, Louise McKinney ᐃᑦᑕᕐᓂᓴᓕᕆᓂᕐᒧᑦ ᑮᓇᐅᔭᖁᑎᖏᑦ ᐃᓕᓐᓂᐊᖅᑎᓄᑦ ᑐᓂᔭᐅᕙᒃᑐᑦ, ᑲᑐᔾᔨᖃᑎᒌᖏᑦ ᐊᑦᑕᕐᓇᖅᑐᑦ ᖃᐅᔨᓴᖅᑕᐅᓂᖏ ᑦᓄᓇᕐᔪᐊᕐᒥ ᐃᓕᓐᓂᐊᖅᑎᑦ ᑐᓐᓂᖅᑯᓯᐊᖏᑦ ᐊᒻᒪᓗ Sir John A. Mactaggart ᑎᑎᕋᖅᓯᒪᔪᓂᒃ ᓵᓚᒃᓴᖅᑐᓄᑦ ᑐᓐᓂᖅᑯᓯᐊᓂᒃ ᐊᕙᑎᓕᕆᓂᐅᑉ ᐱᖁᔭᕐᔪᐊᖓ ᐱᓪᓗᒍ. ᓕᐅᕆ ᐅᓂᒃᑳᓂᒃ ᑎᑎᕋᖃᑦᑕᖅᓯᒪᓕᖅᑐᖅ ᐅᓄᖅᑐᓂᒃ ᕿᒥᕐᕈᐊᖅᑕᐅᓂᐊᖅᑐᓂᒃ ᑭᒡᓕᓯᓂᐊᖅᑎᐅᖃᑎᖏᓐᓄᑦ, ᑎᑎᖅᑲᖁᑎᖏᓐᓂ ᐅᓂᒃᑳᓕᐊᖏᓐᓂᓗ,ᐊᒻᒪ ᐅᖃᓪᓚᒃᑎᑕᐅᖃᑦᑕᖅᓯᒪᔪᖅ ᓄᓇᕐᔪᐊᕐᒥ ᓇᓂᑐᐃᓐᓇᖅ ᐊᕐᕌᒍᑦ 25 ᐅᖓᑖᓄᑦ, ᓕᐅᕆ ᑭᒡᒐᖅᑐᐃᖃᑦᑕᖅᓯᒪᔪᖅ ᑲᓇᑕᐅᑉ ᒐᕙᒪᒃᑯᖏᓐᓂᒃ, ᑲᓇᑕᐅᑉ ᐊᒡᒍᖅᑐᖅᓯᒪᓂᖏᓐᓂᒃ, ᐅᑭᐅᖅᑕᖅᑐᕐᒥᐅᑦ ᒐᕙᒪᒃᑯᖏᓐᓂᒃ, ᓄᓇᓕᑦ ᒐᕙᒪᒃᑯᖏᓐᓂᒃ, ᑭᒡᓕᓯᓂᐊᖅᑎᑦ ᑲᑎᒪᔨᖏᓐᓂᒃ, ᐊᔾᔨᒌᖏᑦᑐᓄᓪᓗ ᐱᓕᕆᕕᐅᔪᓄᑦ, ᐊᒻᒪ ᓄᓇᖃᖅᑳᖅᓯᒪᔪᑦ ᐊᕙᑎᓕᕆᓂᕐᒧᓪᓗ ᑎᒥᖁᑎᖏᓐᓄᑦ ᐊᔾᔨᒌᖏᑦᑐᓂ ᒪᓕᒐᕐᓂᐊᖅᑎᐅᖃᑦᑕᖅᓯᒪᓪᓗᓂ. ᒪᓕᒐᕐᓂᐊᖅᑎᐅᓪᓗᓂ, ᓘᒃᑖᖅ ᕋᓄᑦᔅ ᐃᑲᔪᖅᓯᒪᔪᖅ ᐃᖅᑲᖅᑐᐃᕕᖕᒥ ᐃᖅᑲᖅᑐᐃᑎᓪᓗᒋᑦ Peterson-ᒥᒃ ᓵᓚᒃᓴᓚᐅᖅᓯᒪᔪᑦ ᐱᓪᓗᒋᑦ ᓴᐳᒻᒥᔭᐅᔭᕆᐊᖃᕐᓂᖏᑦ ᐃᒪᕐᒥᐅᑕᑦ ᐳᐃᔨᑦ (ᐋᕐᓗᐃᑦ) ᐊᑖᒍᑦ ᑲᓇᑕᒥ ᐅᒪᔪᑦ ᐃᓄᐃᓴᓕᐊᕆᐊᖏᑦ ᐊᑦᑕᕆᔭᐅᓕᖅᑐᑦ ᐱᖁᔭᕐᔪᐊᖏᑎᒍᑦ. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᖅᑲᖅᑐᐃᕕᒃᑰᖅᑎᑦᑎᑎᓪᓗᒋᑦ ᑲᓇᑕᐅᑉ ᒐᕙᒪᒃᑯᖏᓐᓂ ᐊᒻᒪᓗ ᓇᓂᓯᕕᒃ ᐅᔭᕋᖕᓂᐊᖅᑎᑦ ᓕᒥᑎᒃᑯᓐᓂᒃ ᓯᕗᓪᓕᖅᐹᒥ ᑕᒪᓐᓇ ᓈᓚᖕᓂᕆᔭᐅᓚᐅᖅᓯᒪᔪᖅ ᓄᓇᕗᒥ. ᐃᖅᑲᖅᑐᐃᓪᓗᑎᒃ ᑲᓇᑕᐅᑉ ᒐᕙᒪᒃᑯᖏᑦ ᐊᑭᓴᖅᑐᐃᑎᓪᓗᑎᒃ ᑲᓇᑕᒥ ᐊᖅᑯᑎᑯᑖᓄᑦ ᐊᖅᑯᑎᓕᕆᔨᒃᑯᓐᓂᒃ ᓯᕗᒧᐊᑦᑎᐊᓚᐅᖅᓯᒪᖕᒥᔪᖅ, ᐊᖏᓂᖅᐹᖑᔪᒥᒃ ᑯᕕᔪᖃᓚᐅᖅᓯᒪᑎᓪᓗᒍ ᐅᖅᓱᐊᓗᖕᒥ ᑲᓇᑕᒥ. ᐊᒻᒪ ᐊᖏᓂᖅᐹᖑᓚᐅᖅᓯᒪᔪᖅ ᐊᕙᑎᒥᒃ ᓱᕈᖅᓯᓂᖓᓄᑦ ᐊᑭᓕᕆᐊᖃᖅᑕᖏᑦ ᑲᓇᑕᒥᐅᑦ ᐱᖁᔭᕐᔪᐊᖏᑦ ᐊᑐᕐᓗᒋᑦ.