You are here

ᐅᕙᑦᑎᓐᓂᒃ ᐅᓂᒃᑳᖅᑐᑦ

ᐅᕙᑦᑎᓐᓂᒃ ᐅᓂᒃᑳᖅᑐᑦ

ᓄᓇᕗᒥ ᓄᓇᓄᑦ ᐱᔪᓐᓇᐅᓯᕆᓂᕐᒧᑦ ᑭᒡᓕᓯᓂᐊᖅᑎᑦ ("NSRT ᐅᕝᕙᓘᓐᓃᑦ "ᑲᑎᒪᔨᑦ")  ᓴᖅᑭᑕᐅᓯᒪᕗᑦ ᒪᓕᒃᑕᐅᓪᓗᑎᒃ ᓄᓇᕗᒥ ᐃᒪᕐᓄᑦ ᐊᒻᒪ ᓄᓇᐅᑉ ᖄᖓᓄᑦ ᐱᔪᓐᓇᐅᑎᓕᕆᓂᕐᒧᑦ ᑲᑎᒪᔨᑦ ᐱᖁᔭᕐᔪᐊᖏᑎᒍᑦ ᐊᒻᒪᓗ ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂᑦ, ᐊᖏᖅᑕᐅᓯᒪᔪᑦ ᓄᓇᕗᒥ ᓄᓇᑖᕈᑎᓄᑦ ᐱᖁᔭᕐᔪᐊᑦ ᐊᑐᕐᓗᒋᑦ.  ᓄᓇᕗᒥ ᓄᓇᓄᑦ ᐱᔪᓐᓇᐅᓯᕆᓂᕐᒧᑦ ᑲᑎᒪᔨᖏᑦ ᓴᖅᑭᑕᐅᓚᐅᖅᓯᒪᔪᑦ ᐱᑕᖃᖁᓪᓗᒍ ᐃᒻᒥᒃᑰᖅᑐᒥᒃ ᐊᐅᓚᓂᕐᒥᒃ ᐊᑐᖅᑕᐅᖃᑦᑕᕐᓂᐊᖅᑐᒥᒃ ᐋᖅᑭᒡᓱᐃᔾᔪᑎᒥᒃ ᐊᖏᖃᑎᒌᒍᓐᓇᐃᓪᓕᔪᖃᖅᑎᓪᓗᒍ ᐅᑯᓇᓐᖔᖅᑐᓂᒃ:

1)  ᐃᓯᕋᓱᐊᕐᓂᕐᒧᑦ ᓄᓇᒧᑦ ᓄᓇᕗᒥ ᓄᓇᖁᑕᐅᔪᒥ

2)  ᐱᓇᓱᒍᑎᑦ ᐊᑭᓕᖅᑕᐅᔪᒪᓪᓗᑎᒃ ᐅᑎᖅᑎᑦᑎᕕᐅᓗᑎᒃ ᐊᓯᐅᔨᔭᖏᓐᓂᑦ ᐅᕝᕙᓘᓐᓃᑦ ᓂᕐᔪᑎᓂᒃ ᔭᒐᐃᑎᑦᑎᒃᐸᑕ, ᓴᓇᓐᖑᐊᒐᒃᓴᓂᒃ ᐅᒃᑯᓯᒃᓴᓂᒃ ᐊᒻᒪᓗ ᐊᓯᖏᓐᓂᒃ ᐊᑐᖅᑕᐅᕙᒃᑐᓂᒃ ᐱᕙᓪᔾᓕᐊᑎᑦᑎᔾᔪᑕᐅᓗᑎᒃ ᓄᓇᕗᒥ.

ᓄᓇᕗᑦ ᐃᒪᖁᑎᖏᑦ ᐊᒻᒪ ᓄᓇᐅᑉ ᖄᖓᓄᑦ ᐱᔪᓐᓇᐅᓯᕆᓂᕐᒧᑦ ᑲᑎᒪᔨᑦ ᐱᖁᔭᕐᔪᐊᖏᑦ ᒪᓕᒐᖃᖅᑎᑦᑎᕗᖅ ᐃᒪᓐᓇ ᓄᓇᕗᒥ ᓄᓇᓄᑦ ᐱᔪᓐᓇᐅᓯᕆᓂᕐᒧᑦ ᑲᑎᒪᔨᖏᑦ ᐱᓕᕆᕕᐅᕗᖅ ᒐᕙᒪᒃᑯᒃ ᑭᒃᑯᓕᒫᓄᑦ ᐱᔨᑦᓯᕈᑎᒋᓪᓗᓂᐅᒃ ᑭᓯᐊᓂᓕ ᐱᓕᕆᕕᖁᑎᒋᔭᐅᖏᑦᑐᖅ ᑲᓇᑕᐅᑉ ᒐᕙᒪᒃᑯᖏᓐᓄᑦ.

ᑭᓇᑐᐃᓐᓇᖅ ᑐᓴᕆᐊᕈᒪᔪᖅ ᓄᓇᕗᒥ ᓄᓇᓄᑦ ᐱᔪᓐᓇᐅᓯᕆᓂᕐᒧᑦ ᑲᑎᒪᔨᖏᓐᓂᑦ ᑐᓴᕆᐊᕈᓐᓇᖅᑐᖅ ᑲᑎᒪᔨᑦ ᐊᐅᓚᑦᑎᔨᖓᓐᓂᑦ ᐅᖄᓚᓗᑎᒃ ᐅᕗᖓ: (867) 975-2102, ᖃᕆᑕᐅᔭᒃᑯᓪᓘᓐᓃᑦ: administrator@nsrt.ca  ᐅᕝᕙᓘᓐᓃᑦ ᑎᑎᖅᑲᕐᓂᐊᕐᕕᒃᑯᑦ ᐊᐅᓪᓚᖅᑎᓪᓗᒋᑦ ᐅᕗᖓ ᑎᑎᖃᕐᕕᐊ 2169, ᐃᖃᓗᐃᑦ, ᓄᓇᕗᑦ  X0A 0H0